1 Babad 7
Isaskar putrana opat: Tola, Pua, Yasub jeung Simron.
Tola putrana genep: Usi, Repaya, Yeriel, Yahmai, Yibsam, jeung Semuel, kabeh jaradi kapala kulawarga warga Tola jeung jaradi prajurit anu kamashur. Keur jaman Raja Daud jumlah cacah jiwana aya 22.600 urang.
Usi putrana hiji, Yisrahya. Yisrahya putrana opat: Mikael, Obaja, Yoel jeung Yisia, kabeh jaradi kapala kulawarga.
Anak rabina masing-masing kacida lobana, nepi ka cacah jiwa turunanana sanggup ngayakeun 36.000 urang prajurit.
Jalma-jalma kaom Isaskar anu pantes jaradi prajurit nurutkeun catetan resmi aya 87.000 urang.
Binyamin putrana tilu: Bela, Beker jeung Yediael.
Bela putrana lima: Esbon, Usi, Usiel, Yerimot jeung Iri. Kabeh jaradi kapala kulawarga kaomna, tur jaradi prajurit anu garagah. Jalma-jalmana anu pantes jaradi prajurit aya 22.034 urang.
Beker putrana salapan: Semira, Yoas, Elieser, Elyunai, Omri, Yeremot, Abia, Anatot jeung Alemet.
Nurutkeun catetan resmi, jalma-jalmana anu pantes jaradi prajurit aya 20.200 urang.
Yediael putrana hiji, Bilhan. Bilhan putrana tujuh: Yehus, Binyamin, Ehud, Kenaana, Yetan, Tarsis jeung Ahisahar.
Kabeh jaradi kapala kulawarga kaomna tur jaradi prajurit anu kamashur. Turunan maranehna anu pantes jaradi prajurit aya 17.200 jelema.
Aya duaan deui, kaom eta keneh nya eta Supim jeung Hupim, duanana putra Ir. Ari Dan putrana hiji, nya eta Husim.
Naptali putrana opat: Yahsiel, Guni, Yeser jeung Salum, kabeh incu Bilha.
Menase, ti awewe urang Aram parekanana, puputra dua, Asriel jeung Makir. Makir puputra Gilad.
Makir nikahkeun Hupim jeung Supim. Dulur Makir anu awewe nya eta Maaka. Putra Makir anu kadua Selopehad, ari Selopehad putrana kabeh awewe.
Ti Maaka, bojona, Makir puputra dua: Peres jeung Seres. Peres puputra dua: Ulam jeung Rakem.
Ulam putrana hiji: Bedan. Sakitu turunan Gilad bin Makir putu Menase.
Hamoleket, saderek Gilad anu istri puputra tilu: Ishod, Abieser, jeung Mahla.
(Semida puputra opat: Ahyan, Sekem, Likhi, jeung Aniam.)
Ari turunan Epraim nya eta: Sutelah puputra Bered, Bered puputra Tahat, Tahat puputra Elada, Elada puputra Tahat,
Tahat puputra Sabad, Sabad puputra Sutelah. Kajaba ti Sutelah aya duaan deui putra Epraim, nya eta Eser jeung Elad, tapi duanana tiwas dipaehan ku urang Gat waktu keur maraling ingon-ingon urang dinya.
Epraim prihatin sababaraha lilana, lipur-lipur sanggeus dilayad ku saderek-saderekna.
Epraim manjingan deui garwana, seug ieu nyiram, ngalahirkeun, putrana lalaki, dingaranan Beria, pangeling-eling kana kacilakaan anu tumiba ka rumah tanggana.
Aya putra Epraim anu istri nya eta Seera. Seera ngadegkeun kota Bet Horon Girang, Bet Horon Hilir, jeung Usen Seera.
Aya deui putra Epraim anu lalaki nya eta Repah. Repah puputra Resep, Resep puputra Telah, Telah puputra Tahan,
Tahan puputra Ladan, Ladan puputra Amihud, Amihud puputra Elisama,
Elisama puputra Nun, Nun puputra Yosua.
Ari wewengkon pamatuhanana nya eta Betel katut pilemburan-pilemburan sakurilingna, ka wetanna nepi ka Naaran, ka kulonna nepi ka Geser katut kabeh pilemburan sakurilingna, kitu deui Sekem jeung Aya katut kabeh pilemburanana.
Turunan Menase maratuhna di Bet San, Taanak, Megido jeung Dor katut kabeh pilemburanana. Nya di dinya maratuhna turunan Yusup putra Yakub.
Turunan Aser nya eta: Aser putrana opat: Yimna, Yiswa, Yiswi, Beria; anu istri: Serah.
Beria putrana dua: Heber jeung Malkiel. (Malkiel ngadegkeun kota Birsait.)
Heber putrana tilu: Yaplet, Somer jeung Hotam. Anu istri: Sua.
Yaplet putrana tilu: Pasak, Bimhal jeung Aswat.
Somer putrana tilu: Rohga, Yehuba jeung Aram.
Hotam putrana opat: Sopah, Yimna, Selsa jeung Amal.
Putra-putra Sopah: Suah, Harneper, Sual, Beri, Yimra,
Beser, Hod, Sama, Silsa, Yitram jeung Bera.
Putra-putra Yeter: Yepune, Pispa, Ara.
Putra-putra Ula: Arah, Haniel jeung Risya.
Sakitu turunan Aser, kabeh jaradi kapala-kapala kulawarga, kaceluk-pamuk, jalma-jalma anu petingan. Anu parantes jadi prajurit aya 26.000 urang.